د وزيراعظم عمران خان د”پاكستان جوړ كړئ سرټيفكېټ”اجراﺀ دستورې ته وېنا

اسلام آباد 31 جنوری(اے پی پی) وزيراعظم عمران خان د”پاكستان جوړ كړئ سرټيفكېټ”اجراﺀ كولو سره سمندر پورې پاكستانيانو ته په سكيم كښې د زياتې نه زياتې سرمايه كارۍ كولو خواست سره وئېلي دي د پاكستان جوړ كړئ سرټيفكېټ د لارې بهر مېشته وطن سره مينه لرونكي پاكستانيان د هېواد په رغونه او پرمختګ كښې خپل بشپړ كردار ترسره كولې شي٬د بهر مېشته پاكستانيانو د سرمايه كارۍ په نتيجه كښې به د معاشي ستونزو او د ادائيګۍ په توازن قابو موندلو له مرسته تر لاسه شي٬د ادائيګو په توازن كښې بهتري راغلې٬اوسنې حكومت د سرمايه كارۍ ودې او په كاروبار كښې آسانۍ پېدا كولو لپاره كار كوي٬څومره چې بهر مېشته پاكستانيان په هېواد كښې سرمايه كاري وكړي دومره په تندۍ سره به دا هېواد پرمختګ وكړي٬كله چې هېواد پرمختګ وكړي نو په ټوله نړۍ كښې به د پاكستانيانو عزت او وقار زيات شي۔ده د زيارت په ورځ بهر مېشته پاكستانيانو لپاره د “پاكستان جوړ كړئ سرټيفكېټ”اجراﺀ دستورې ته وېنا كوله۔”پاكستان جوړ كړئ سرټيفكېټ” په خاص توګه سمندر پورې پاكستانيانو لپاره جاري كړې شوې په كوم كښې چې د سرمايه كارۍ كمه نه كمه شرح پنځه زره ډالره مثرر شوې۔د سرټيفيكېټ له مخې درېو كلونو لپاره په دې د ګټې شرح 6.25 او پنځو كلونو لپاره شرح 6۔75 فيصده ټاكلې شوې٬د سرمايه كارۍ طريقه ډېره آسانه ده٬سمندر پورې پاكستانيان د وېب پورټر د لارې هم په 15 دقيقو كښې سرمايه كاري كولې شي۔وزيراعظم ووئيل د “پاكستان جوړ كړئ سرټيفكېټ”په ګټه به ټېكس نه وي٬ګټه به په ډالر او روپو دواړو كښې وركولې شي۔په دستوره كښې وفاقي وزيرانو٬د پارليمان غړو٬سفارتكارو٬وفاقي سېكترانو٬سمندر پورې نامتو پاكستانيانو او د ژوند بېلا بېلو څانګو سره تعلق لرونكو كسانو ګډون وكړو۔وزيراعظم دستورې ته په خپله وېنا كښې سمندر پورې پاكستانيانو لپاره د “پاكستان جوړ كړئ سرټيفكېټ” په اجراﺀ اسد عمر او د هغه ډلې له مباركي وركړه۔وزيراعظم ووئيل سمندر پورې پاكستانيان هېواد سره ډېره مينه لري٬زه هم اتلس كاله سمندر پورې پاتې شوې يم او هلته مو ليدلې چې پاكستانيان څومره په خوارۍ سره په څو څو شفټونو كښې كار كوي او د خوارۍ نه پس هغوي په پاكستان كښې كور جوړوي۔ ده ووئېل د زياتره پاكستانيان كله چې د دوي ماشومان لويې شي٬وطن ته ستنېدل هم مشكل شي خو د دوي د زړه نه پاكستان سره مېنه لري ٬كله چې د پاكستان لوب ډله ماتې وخوري نو تر ټولو زيات دوي خفه كېږي۔ده ووئيل سمندر پورې پاكستانيانو په هر سخت وخت كښې پيسه پاكستان ته رالېږلې٬كله چې ما د شوكت خانم كينسر روغتون جوړولو اعلان وكړو نو نه يوازي پيسه راغله بلكې دوي د پوهه ډاكټرانو ډله هم په روغتون كښې كار كولو لپاره پاكستان ته راولېږله۔وزيراعظم ووئيل په شوكت خانم كښې د غريبو رنځورانو په علاج ً 6 اربه روپو نه زيات خرڅ راځي او د دې 50 فيصده سمندر پورې پاكستانيان ادا كوي۔وزيراعظم د “پاكستان جوړ كړئ سرټيفكېټ” مقصد ښودلو سره ووئيل پاكستان په دې وخت كښې د سخت وخت نه تېرېږي او دا وړومبې حكومت دے چې دومره لويې خسارې سره مخ دے ٬د دې نه وړاندې كوم هم حكومت دومره لويه خساره نه ده زغملې٬وزيراعظم سمندر پورې پاكستانيانو ته ووئيل په پنځو مياشتو كښې چې مونږ كوم حالات وليدل مونږ ته معلومه شوه چې ادارې تباه دي۔ده ووئيل مونږ لپاره ډېره آسانه وه چې مونږ آئي اېم اېف له ورغلي وو خو څوك چې پاكستان لپاره دړد لري هغه ډېر سوچ كوي۔وزيراعظم عمران خان ووئيل د ادائيګو توازن ختم شوې نه دې خو پھ دې كښې ډېره بهتري راغلې۔ده ووئيل د تېرو حكومتونو د بدانتظامۍ٬بدعنوانۍ او نااهلۍ له امله پاكستان وروستو پاتې شوې۔ده ووئيل نن مونږ د كركيلې٬نوې تكنيك راوړو٬دې سره به پېداوار زيات شي٬چين سره په دې لړ كښې زمونږ خبره شوې۔وزيراعظم ووئيل په پاكستان كښې د سېلګرۍ څانګه لويې استعداد لري او د دې نه تراوسه په بشپړه توكه استفاده نه ده شوې٬تركيه د سېلګرۍ د څانګې څخه هر كال 42 او ملائېشيا 22 اربه ډالره زرمبادله ترلاسه كوي۔ده ووئيل د پاكستان د سېلګرۍ څانګه ډېرې موقعې لري۔دلته د بېلا بېلو مذهبونو د سېلګرۍ موقعې مشته٬مسلمانان٬سيكهان٬بده مت او د نورو مذهبونو پيروكار دلته راتګ غواړي۔په پاكستان كښې مذهبي سېلګرۍ سره سره د تاريخي سېلګرۍ او د غرونو د سېلګرۍ غوره موقې شته ٬ عمران خان ووئېل د پاكستان شمالي سيمې ډېرې ښكلې دي٬د ټولې نړۍ د نيمې نه زيات لوړ غرونه په پاكستان كښې دي٬د پاكستان د شمالي سيمو رقبه د سوئټرزلينډ نه دوه چنده زياته ده۔ده ووئيل پېښور٬لاهور٬ملتان او موهن جودړو تاريخي ځايونو د اهميت وړ دي كوم چې د سېلګرو د پام مركز جوړېدې شي۔په وړمبي ځل حكومت د سېلګرۍ ودې لپاره د ويزې شرطونه نرم كړي۔ده ووئيل د سېلګرۍ د لارې به مونږ خساره پوره كړو۔ده ووئيل پاكستان سرمايه كارو لپاره يو ځانګړې مقام او حېثيت لري چرته چې د 12 كروړه نه د زياتو پاكستانيانو عمر د 30 او 35 كلونو نه كم دے۔ده ووئيل اوسنې حكومت د سرمايه كارۍ ودې او د كاروبار آسانيو لپاره كار كوي۔وزيراعظم سمندر پورې پاكستانيانو ته ووئيل هغوي دې “پاكستان جوړ كړئ سرټيفكېټ” واخلي۔انشاﺀالله مونږ به خپل هېواد په خپلو پښو اودروو۔وزيراعظم ووئيل په خارجه پالېسۍ هم كار كوو٬مونږ به داسې خارجه پالېسي جوړو كومه چې هېواد د بهترۍ په لار روان كړي٬مونږ به ثابته كړو چې په ټوله نړۍ كښې به د شين پاسپورټ عزت كېږي٬سفارتخانو ته هم وئېلې شوي د بهر مېشته پاكستانيانو آسانې زياتې كړي٬ده ووئيل په وړومبي ځل چې مونږ كوم وزير ته د سمندر پورې پاكستانيانو ذمه وارۍ وركړې هغه دوي ته آسانې وركولو لپاره هڅې كوي۔وزيراعظم سمندر پورې پاكستانيانو ته ووئيل هغوي دې د عارضي بحران حل لپاره د بانكونو د لارې پيسې وطن ته راولېږي٬دې سره به هېواد ته ګټھ ورسي۔وزيراعظم عمران خان ووئيل په بد وخت كښې د انسان د كردار امتحان وي د كوم نه چې د زده كړې كولو ضرورت وي۔ده ووئيل پي آئي اے د وړومبي صف ايئر لائن ؤ كوم چې نن د 400 اربه روپو په خساره چلېږي۔وزيراعظم ووئيل پاكستان به پرمختګ كوونكو هېوادونو لپاره مثال جوړوو۔وزيراعظم يو ځل بيا بهر مېشته پاكستانيانو ته ووئيل په “پاكستان جوړ كړئ سرټيفكېټ” كښې دې زياته سرمايه كاري وكړي چې كومه منافع ترلاسه كړي هغه دې د روپۍ په شكل واخلي٬په ډالر كښې دې نه اخلي۔د دې څخه وړاندې د خزانې وزير اسد عمر دستورې ته په خپله وېنا كښې ووئيل مشكلات وو خو اوس بهتري راروانه ده٬دادائيګۍ ډ توازن بحران په مكمل توګه نه دې ختم شوې خو په دې كښې ډېره بهتري راغلې۔ده ووئيل د بهر مېشته پاكستانيانو زړه د پاكستان لپاره مېنه لري ٬ كه هغه مزدور دې٬ډاكټر يا سياستدان دے د پاكستان لويه اثاثه ده۔د نوي پاكستان په جوړولو كښې د دوي مهم كردار دے۔اسد عمر ووئيل ښه خبره دا ده چې په ټوله نړۍ كښې غوره ټېلنټ لرونكې پاكستانيان وطن ته راتللو ته تيار دي او دوي پاكستان لپاره څه كول غواړي۔ده ووئيل بهر مېشته پاكستانيانو ته د آسانيو په وركولو كښې د زلفي بخاري هڅې هم شاملې دي۔د دې څخه وړاندې د سټېټ بانك ګورنر طارق باجوه د “پاكستان جوړ كړئ سرټيفكېټ”په اړه تفصيلي بريفنګ وركړو۔ده ووئيل بهر مېشته پاكستانيان 20 اربه ډالره ترسيلات زر رالېږي كوم چې زمونږ د مجموعي برآمدات 80 فيصده برابر دي۔ده ووئيل سمندر پورې پاكستانيان به د جون په 30مه نېټھ 2019 پورې په “پاكستان جوړ كړئ سرټيفكېټ” كښې سرمايه كاري وكړې شي

مضمون کا ماخذ : فائر جوکر

متعلقہ مضامین