مضبوط صوبے مضبوط وفاق دی علامت ہن ، چیئرمین سینیٹ میاں رضا ربانی دا سیمینار نال خطاب

اسلام آباد ۔ 11 مارچ (اے پی پی) چیئرمین سینٹ میاں رضاربانی آکھے جو مضبوط صوبے مضبوط وفاق دی علامت ہن ۔ این ایف سی ایوارڈدا آئین دے مطابق ہر پنج سال بعد اعلان لازمی ہے ۔ اے گالہیں انہاں چھنڑ چھنڑ کوں پارلیمنٹ ہاو ¿س اچ سینیٹ دے پارلیمانی سال دے مُکنڑ اتے ہک سیمینار نال الیندے ہوئیں آکھیاں۔ سیمینار دا عنوان ”وفاقیت دی مضبوطی کیتے ایوان بالاءدے اختیارات اچ ودھار ا“ہئی ۔ انہاں آکھیا جو مضبوط صوبے ، مضبوط وفاق دی علامت ہن اتے صوبیاں دے حقوق دے بہتر تحفظ کیتے لازم ہے جو پارلیمان دے سانجھے اجلاس اچ سینٹ اتے قومی اسمبلی دے ووٹ برابر ہوون۔ انہاں آکھیا جو سینٹ مضبوط تھیسی تاں صوبے وی مضبوط تھیسن ، اتے اکائیاں دے آئینی حقوق کوں تحفظ ملسی ۔ سیمینار اچ وزیر اعلیٰ سندھ مراد علی شاہ ، سپیکر بلوچستان اسمبلی راحیلہ درانی ، سپیکر خیبر پختونخوا اسمبلی اسد قیصر، وزیر اعلیٰ پنجاب دے نمائندے سینئر صوبائی وزیر پنجاب راجہ اشفاق سرور،ڈپٹی چیئرمین سینٹ مولانا عبدالغفور حیدری ، سینیٹ اچ قائد ایوان راجہ محمد ظفر الحق اتے سینٹ اچ قائد حزب اختلاف چوہدری اعتزاز احسن ، سیکرٹری سینٹ امجد پرویز ملک اتے وڈی تعداد اچ اراکین پارلیمنٹ ، غیر ملکی سفرا ، سول سوسائٹی دے نمائندیاں ، ماہراں ، میڈیا اتے مختلف مکاتب فکر نال تعلق رکھنڑآلیاں شرکت کیتی ۔ چیئرمین سینیٹ میاں رضاربانی اے وی واضح کیتا جو سینیٹ دے آئینی اختیارات اچ ودھارے دا اے ہرگز مطلب کائنی جو اے صوبیاں یا قومی اسمبلی دے اختیارات اُتے قدغن لاونڑ ہے ۔ ایوان بالاءآپنڑیں قیام توں اج تئیں جمہوریت دے فروغ کیتے جیہڑی کوشش جاری رکھی ہے اتے ایندے اچ صوبیاں دی خود مختاری لازمی امر ہے ۔ ایوان بالاءاچ ساریاں صوبیاں دی برابر نمائندگی ہے جیندا بنیادی مقصد ملک دیاں اکائیاں اتے ایندے اچ وسنڑ آلیاں ساریاں قوماں دی موثر اتے برابری دی بنیاد اُتے نمائندگی کریسی انہاں دے آئینی حقوق دا تحفظ کرنڑاں ہے ۔ چیئرمین سینیٹ میاں رضاربانی مشترکہ مفادات کونسل دے سیکرٹریٹ دے قیام اُتے وی زور ڈتا کیونجو سی سی آئی دا کردار ہنڑ قومی وسائل دی سانجھی انتظامیہ دا ہے ۔جڈانجو بد قسمتی نال ایں کوں اج تئیں عملی شکل کائنی ڈتی ونج سگی ۔ انہاں آکھیا جو چنگائی ایندے وچ ہے جو ہنڑیں نال کئی طریقہ کار بنڑایا ونجے ، اتے قدرتی وسائل اُتے صوبیاں کوں اختیار ڈتا ونجے ، اتے ایں فورم کوں استعمال کیتا ونجے ۔ انہاں آکھیا جو این ایف سی ایوارڈدا اعلان ہر پنج سال بعد ہونڑاں چاہیدے ، اتے جیکر حکومت آپنڑاں این ایف سی ایوارڈ نہیں گھن آندی تاں ایندے اچ ہک سال دی توسیع کیتے سینیٹ کوں اختیار ڈتا ونجے اتے ایوان بالاءکوں اے وی اختیار ہووے جو او صوبیاں دے حصے اچ ہک فیصد ودھار کر سگے ۔ جیندے نال اکائیاں دے آئینی حقوق دا تحفظ ممکن ہوسی ، ہم آہنگی ودھسی اتے ملک اچ جمہوریت کوں ودھارا ملسی ۔ اے وی ضروری ہے جو صوبائی وزرائے اعلیٰ ایوان بالاءاچ صوبے کوں پیش آونڑآلے مسلیاں بارے ڈساون ، اتے ایں بارے آئین اچ ترمیم کیتی ونجے جو وزرائے اعلیٰ سینیٹ اچ خطاب کرسگن۔

مضمون کا ماخذ : جنگل وائلڈ

متعلقہ مضامین