نگران وزیر اعظم انوار الحق کاکڑ دی نیدر لینڈز دے وزیر اعظم نال ملاقات

APP26-011223 DUBAI: December 01 - Caretaker Prime Minister Anwaar-ul-Haq Kakar meets the Prime Minister of Netherlands Mr. Mark Rutte on the sidelines of the high level segment of the UN's 28th Conference of Parties. APP/ABB

دبئی۔1دسمبر (اے پی پی):نگران وزیر اعظم انوار الحق کاکڑ نیدر لینڈ دی کمپنیاں کوں زراعت، باغبانی، پاݨی دے انتظام تے قابل تجدید توانائی دے شعبیں اچ سرمایہ کاری دی دعوت ݙیندے ہوئیں آکھیے پاکستان اتے نیدرلینڈز کوں سانجھی دلچسپی دے امور تے ݙو پاسے یورپی یونین دے ذریعے رل تے کم کرݨا چاہیدے ۔ وزیراعظم آفس دے میڈیا ونگ توں جاری بیان موجب نگران وزیراعظم انوار الحق کاکڑ دبئی اچ 28ویں کانفرنس آف پارٹیز (کوپ۔28)دے موقع تے نیدرلینڈ دے وزیر اعظم مارک روٹے نال ملاقات کیتی ۔ نیویارک اچ اقوام متحدہ دی جنرل اسمبلی دے اجلاس دے موقع تے تھیوݨ آلی ملاقات دے بعد ݙوہیں رہنماواں دی اے ݙوجھی ملاقات ہئی ۔ ݙوہیں رہنماواں ݙو پاسے تعلقات اتے افغانستان دی صورتحال سودھے سانجھی دلچسپی دے بین الاقوامی اتے علاقائی امور تے ڳالھ مہاڑ کیتی ۔ ݙوہیں رہنماواں غزہ دی وڳڑدی انسانی حقوق دی صورتحال تے وی ڳالھ کیتی ۔ ݙوہیں سربراہان اڄوکے سال ݙوہیں ملکاں دے سفارتی تعلقات دے قیام دے 75 سال پورے تھیوݨ تے اسلام آباد تے دی ہیگ اچ تھیوݨ آلی تقریبات دی تعریف کیتی ۔ وزیراعظم انوار الحق کاکڑ ایں ڳالھ تے زور ݙتے جو پاکستان تے نیدر لینڈز کوں سانجھھی دلچسپی دے امور تے ݙو پاسے اتے یورپی یونین دے ذریعے رل تے کم کرݨا چاہیدے ۔ انہاں ڈچ کمپنیاں کوں زراعت، باغبانی، پاݨی دے انتظام اتے قابل تجدید توانائی دے شعبیں اچ سرمایہ کاری دی دعوت ݙتی ۔ ݙوہیں رہنماواں پاکستان اتے ہالینڈ وچال ݙوطرفہ تعلقات اچ ودھارے رفتار تے اطمینان دا اظہار کیتے۔ وزیر اعظم کوپ ۔28 دے حوالے نال چنڳے نتیجے دی امید دا اظہار کیتے ۔ انہاں آکھیے گھٹ کاربن خارج کرݨ آلے ملکاں اچوں ھک ہووݨ دے باوجود پاکستان موسمیاتی تبدیلی دے خطرے دا شکاراے۔وزیراعظم انوار الحق کاکڑ نیدرلینڈز دے وزیراعظم کوں دورہ پاکستان دی دعوت وی ݙتی۔

مضمون کا ماخذ : لاٹری آن لائن خریداری

متعلقہ مضامین