وزیراعظم شہباز شریف دا پبلک پرائیویٹ پارٹنرشپ نال اسلام آباد اچ بین الاقوامی معیار دا ہیلتھ ٹاور ٻݨاوݨ دا اعلان
APP39-260423
ISLAMABAD: April 26 - Prime Minister Muhammad Shehbaz Sharif chairs a meeting of the heads of coalition parties at PM House.APP/ABB
اسلام آباد۔12جون (اے پی پی) وزیراعظم شہباز شریف دا پبلک پرائیویٹ پارٹنرشپ نال اسلام آباد اچ بین الاقوامی معیار دا ہیلتھ ٹاور ٻݨاوݨ دا اعلان کریندیں ہوئیں قومی وزارت صحت دے ماتحت لیبارٹریز دے معیار اتے کارکردگی،ڈرگ ریگولیٹری اتھارٹی آف پاکستان اتےاسلام آباد دے ہسپتالاں کیتے نویں طبی آلات اتے ایمبولینسز ڳھنݨ دا تھرڈ پارٹی آڈٹ کراوݨ دی ہدایت کر ݙتی۔ بدھ کوں وزیر اعظم آفس دے میڈیا ونگ توں جاری بیان موجب وزیراعظم محمد شہباز شریف دی صدارت وزارت قومی صحت بارے اہم جائزہ اجلاس بدھ کوں وزیراعظم ہاؤس اسلام آباد اچ تھیا۔ اجلاس دے شرکاء نال ڳالھ مہاڑ کریندیں ہوئیں وزیراعظم آکھیا جو صحت دا شعبہ ہک ٻہوں اہم اتے حساس شعبہ اے جئیں دی ذمہ انسانی جاناں بچاوݨ دا اہم فریضہ اے۔ وزیراعظم شہباز شریف دا پبلک پرائیویٹ پارٹنرشپ نال اسلام آباد اچ بین الاقوامی معیار دا ہیلتھ ٹاور ٻݨاوݨ دا اعلان کریندیں ہوئیں فوری لائحہ عمل ٻݨاوݨ دی ہدایت ݙتی۔ اجلاس کوں شاہ سلمان ہسپتال دی تعمیر تے پیشرفت بارے بریفنگ ݙتی ڳئی۔ اجلاس اچ وفاقی وزیر منصوبہ بندی احسن اقبال ، وفاقی وزیر اقتصادی امور احد خان چیمہ ، وزیراعظم دے کوآرڈینیٹر برائے صحت ملک مختار احمد، وزیراعظم دے کوآرڈینیٹر رانا احسان افضل اتے متعلقہ اعلیٰ سرکاری افسرشریک تھیے۔
