الیکشن کمشین کوں غیر سیاسی اتے غیر جانبدار ٻݨاوݨ پی ٹی آئی دا منشور اے، جیکر وݙی جماعت پی ٹی آئی مطمئن نہ ہوسی تاں کیویں الیکشن تھیسن؟ وفاقی وزیر اطلاعات چوہدری فواد حسین دی پریس کانفرنس
APP37-100921
ISLAMABAD: September 10 - Federal Minister for Information and Broadcasting Chaudhry Fawad Hussain, Federal Minister for Railways Muhammad Azam Khan Swati and Advisor to Prime Minister for Parliamentary Affairs Dr. Babar Awan addressing a press conference at PID Media Center. APP photo by Saleem Rana
اسلام آباد۔10ستمبر(اے پی پی)وفاقی وزیر اطلاعات و نشریات چوہدری فواد حسین آکھیے جو اپوزیشن دی سوچ صرف آپݨے کیسز اچ التوا اتے ٻھڄݨ دی اے، انہاں تؤں چنڳائی دی توقع نئین تھی سڳدی، اے نئیں سمڄھدے جیکر پارلیمنٹ تکڑی تھئی تاں جمہوریت اتے عوام وی مضبوط تھیسن۔ اسلام آباد اچ وفاقی وزیر ریلویز اعظم سواتی اتے وزیراعظم دے مشیر برائے پارلیمانی امور ڈاکٹر بابر اعوان نال پریس کانفرنس کریندے انہاں آکھیا جو ن لیگ اتے کمپنی الیکٹرانک ووٹنگ مشین بارے قانونی ترمیم متنازعہ ٻݨاوݨ دی کوشش کریندی پئی اے، اے ڳالھیں تاں ووٹ کوں عزت دیاں کریندن بھل ݙیل دی ڳالھ آوے تاں تیکھے پٹڑی تے آویندن،جیکر اصلاحات دی ڳالھ ہووے تاں پچھو تے ہٹ ویندن، اے ہک ٻئے دے ڳل پئے راہندن بھل انتخابی اصلاحات تے ہکو کڄھ ہین، نئیں چاہندے جو عوام کوں انہاں دا حق ملے اتے شفاف انتخابات تھیون۔ انہاں آکھیا جو الیکشن کمشین کوں غیر سیاسی اتے غیر جانبدار ٻݨاوݨ پی ٹی آئی دے منشور دا حصہ اے، اساں حکومت ہووݨ دے باوجود شفاف انٹخابات کیتے اصلاحات سانڳے کم کیتے بھل اپوزیشن ایندے اچ رکاوٹ ٻݨ ڳئی اے، کہیں کوں اے حق نئیں جو او پارلیمان کوں نظر انداز کرے، اپوزیشن یا الیکشن کمیشن کوں اعتراض اے تاں ݙساون، جیکر چیف الیکشن کمشنر سیاست کرݨی اے تاں ول استعفیٰ ݙیون اتے الیکشن لڑن، جیکر وݙی جماعت پی ٹی آئی الیکشن کمیشن توں مطمئن نہ ہوسی تاں الیکشن کمیشن کیویں الیکشن کرویسی؟
