کورونا وائرس دے 1097 نویں کیس، 38 اموات رپورٹ ،نیشنل کمانڈ اینڈ آپریشن سینٹر

اسلام آباد۔24جون (اے پی پی):گزریل چووی گھنٹے وچ کورونا وائرس پاروں پنجاب توں بعد سندھ اچ ساریں توں ودھ اموات ریکارڈ کیتیاں ڳئن ۔ پورے ملک اچ گزریل چووی گھنٹے اچ کورونا وائرس توں 38 اموات تھئن جنہاں اچوں 17 اموات وینٹیلیٹرزتے موجود مریضاں دیاں تھئن ۔نیشنل کمانڈ اینڈ آپریشن سینٹر ولوں جاری اعدادو شمار موجب گزریل24 گھنٹے اچ پورے ملک اچ 1 ہزار 97 لوکاں دے کووڈ۔ 19 ٹیسٹ مثبت آئے۔ملک دے 4 وݙے شہراں اچ وینٹیلیٹرز تے کووڈ۔ 19 دے مریضاں دے تناسب دے لحاظ نال ملتان اچ 27 فیصد،پشاور اچ 22 فیصد,بہاولپوراچ 28 فیصد اتے اسلام آباد اچ 21 فیصد مریض ہن ۔گزریل24 گھنٹے اچ کووڈ۔19 دے 46 ہزار 124 ٹیسٹ کیتے ڳئن جنہاں اچوں سندھ اچ 12 ہزار 782، پنجاب اچ 17 ہزار 761، خیبرپختونخوا اچ 9 ہزار 910،اسلام آباد اچ3 ہزار 906، بلوچستان اچ 768،گلگت بلتستان اچ367، آزاد کشمیر اچ 630 ٹیسٹ شامل ہن۔

مضمون کا ماخذ : ٹکی انماد

متعلقہ مضامین