ملک دے مستقبل کیتے سیاسی جماعتاں معاشی اصلاحات دی بہتری دا جامع پروگرام پیش کرن، صرف وعدے کافی نئی عملی کم کرݨ دی لوڑھ اے، نگران وفاقی وزیر اطلاعات مرتضیٰ سولنگی دا سیمینار توں خطاب

اسلام آباد۔11جنوری (اے پی پی) نگران وفاقی وزیر اطلاعات، نشریات تے پارلیمانی امور مرتضیٰ سولنگی آکھیا جو ملک دے مستقبل کیتے سیاسی جماعتاں معاشی اصلاحات دی بہتری دا جامع پروگرام پیش کرن، صرف وعدے کافی نئی عملی کم کرݨ دی لوڑھ اے۔ اے ڳالھیں انہاں خمیس کوں پریس انفارمیشن ڈیپارٹمنٹ ولوں ”الیکشن 2024:سیاسی جماعتاں دا اقتصادی اصلاحات دا ایجنڈا“ دے موضوع تے مقامی ہوٹل اچ تھیوݨ آلے سیمینار توں خطاب کریندیں ہوئیں آکھی۔ وفاقی وزیر آکھیا جو اساں انتخابات توں کجھ ݙینھ پرے ہیسے، انتخابات انشاءاللہ 8 فروری 2024 کوں تھیسن۔ انہاں آکھیا جو انتخابات بارے الیکشن کمیشن آپݨے موقف تے قائم اے، الیکشن کمیشن آئینی ادارہ اے جئیں انتخابات دا شیڈول ݙتے اتے ایندے اچ کہیں قسم دی تبدیلی کہیں ٻئے ادارے دے اختیار اچ کائنی۔ انہاں آکھیاجو اساں الیکشن کمیشن دی مالی، انتظامی، اتے سکیورٹی دی لوڑھ پوری کریسوں۔ سیمینار اچ معاشی ماہرین اتے صحافی شریک تھیے۔ وفاقی سیکریٹری اطلاعات و نشریات شاہیرہ شاہد اتے ایگزیکٹو ڈائریکٹر جنرل پریس انفارمیشن ڈیپارٹمنٹ ڈاکٹر طارق محمود خان وی ایں موقع تے موجود ہن۔

مضمون کا ماخذ : لاٹری کے لائیو نتائج

متعلقہ مضامین