تیمرگرہ ۔11مارچ(اے پی پی)وزیراعظم عمران خان تحریک عدم اعتماد توں ہک ݙینھ پہلے ڈی چوک اچ وݙے جلسے دا اعلان کریندے آکھیے جو اپوزیشن رہنما نوٹاں دے تھیلے ڳھن تے ارکان اسمبلی دے پچھو پھردے پین، ہکی بال تے 3 وکٹاں ݙھویساں، ہر شے کھیر پاݨی ہک تھی ویسی، تحریک عدم اعتماد دا میچ کپتان جیتسی، ول ݙیکھائے انہاں نال میں کیا سلوک کرینداں، فضل الرحمن، زرداری اتے شہباز شریف دی ہکی گیند تے وکٹاں ݙھویساں اے تریے میݙے نشانے تے آ ڳین، کݙاھیں کہیں دے اڳو جھکساں نہ قوم کوں جھکݨ ݙیساں، حکومت ٻہوں چھوٹی شے اے جان وی ݙیوݨی پئی تاں چوراں کوں نہ چھڑیساں، ملکی سالمیت کیتے مضبوط فوج ضروری اے۔ اے ڳالھ انہاں تیمر گرہ، لوئر دیر اچ عوامی جلسہ نال خطاب کریندے آکھسی۔ وزیراعظم آکھیا جو پاکستان کلمہ طیبہ دی بنیاد تے ٻݨیے جیندا ہک پورا فلسفہ اے، غیر دے اڳو ڄھکݨ آلے دی ڄڳ اچ کوئی عزت نئیں ہوندی، مسلماناں ڳھٹ ہووݨ دے باوجود قیصر و کسریٰ ڄھیں سپر پاورز کوں ہرائے، پاکستان کوں خود دار ملک ٻݨاوݨ، فلاحی ریاست دا قیام اتے عدل و انصاف دا نظام سودھا طاقتور کوں قانون دے تابع کرݨ ساݙے منشور دا حصہ اے جیڑھا اساں مدینہ دی ریاست توں ڳھدے۔ وزیراعظم آکھیے جیندا پیسہ ملک دے باہر ہووے آزاد خارجہ پالیسی نئیں ٻݨا سڳدا، جیکر اڄ پاکستان محفوظ اے تاں او پاک فوج پاروں اے، ملکی سالمیت کیتے مضبوط فوج ضروری اے، ماضی دے حکمراناں ملکی ادارے تباہ کر ݙتن، عدالتاں تے حملے کیتن، ججاں کوں مل ڳھدے اتے مرضی دے فیصلے ڳھدن، چھانگا مانگا اتے لفافہ صحافت متعارف کرائی اے، نواز شریف سب توں وݙا بزدل، بھگوڑا اتے کوڑا اے، فضل الرحمن او ڄݨا اے جیڑھا امریکی سفیر کوں موقع ݙیوݨ دیاں منتاں کریندا رہے اتے آصف علی زرداری ملک دی وݙی بیماری اے جئیں میمو گیٹ اچ امریکہ کوں خط لکھیے جو میکوں بچا ڳھنے، چھوٹا شوباز شریف و خدمت دا موقع منڳدے، ڈاکواں دے گلدستے کوں سنیہا اے جو اپݨے خواب ٻھل ونڄو، ہکی یارکر نال تریے وکٹاں ݙھویساں، عدم اعتماد توں ہک ݙینھ پہلے ڈی چوک اچ انساناں دا سمندر ہوسی اتے میں قوم کوں ݙسیسی اے لوکاں دا ضمیر مل ڳھنݨ دی کوشش کریندے پین اتے اساں انہاں کوں نہ چھڑیسوں۔
.jpg)
