د وزيراعظم عمران خان د كوچنيانو د جنسي استحصال د فعاله مخنيوي په اړه د لوړې كچې غونډې ته خطاب

اسلام آباد 13 دسمبر(اے پی پی) وزيراعظم عمران خان وئېلي دي چې كوچنيان د ټولنې سباؤن دي٬ د ټولنې د سباؤن په ضد جرمونه او په خاص توګه د كوچنيانو جنسي استحصال ټولې ټولنې له د شرم او افسوس وړ دې٬ كوچنيانو ته محفوظ چاپېرچل وركول د حكومت او د ټولنې د هر وګړي ذمه واري ده٬حكومت به پھ دې لړ كښې ټول ممكنه ګامونه پورته كوي٬وزيراعظم د بشري حقونو وزارت ته د كوچنيانو په ضد د جرمونو مخ نيوي له د داخله وزارت او صوبائي حكومتونو مشاورت او مرستې سره په قامي كچه نېشنل اېكشن پلان ته په راروانو دوه اونو كښې د حتمي شكل وركولو هم هدايت وكړو۔ د دې خيالاتو څرګندونه ده د جمعې په ورځ كوچنيانو سره د اړوندو جرمونو او په خاص توګه د كوچنيانو جنسي استحصال په فعاله ډول د مخنيوي په اړه د اعلٰی كچې غونډې ته خطاب كښې وكړه۔غونډه كښې د تعليم وفاقي وزير شفقت محمود٬د بشري حقونو وفاقي وزيرې ډاكټر شيريں مزاري٬د احتساب خاص مرستيال شهزاد اكبر او نورو اړوندو اعلٰی چارواكو ګډون وكړو۔په غونډه كښې وزيراعظم هېواد كښې د كوچنيانو په ضد جرمونه او په خاص توګه جنسي استحصال٬د كوچنيانو په اړه ناوړه مواد او په اوسنو ورځو كښې رامخې ته شويو د افسوس وړ پیښو او د داسې جرمونو مخ نيوي له د پورته كړې شويو انتظامي ګامونو په اړه بريفنګ وركړې شو۔ اېډېشنل آئي جي سي ټي ډي پنجاب غونډه د زينب كيس٬چونيا كيس او د پینډۍ كيس په اړه د رامخې ته شويو حقائقو٬پنجاب صوبه كښې كوچنيانو سره د اړوندو جرمونو شرحې او د قصور او چونيا په ډول ناوړه پېښې د كيس سټډي په توګه رامخې ته كولو سره د دې د فعاله مخنيوي په لړ كښې د سباؤن تګلارې څخه په بشپړه توكه خبره كړه۔ وزيراعظم ته ووئيلې شو چې پنجاب صوبه كښې د كوچنيانو په ضد په جرمونو نظر ساتلو له خصوصي مانيټرنګ سېل جوړ كړې شوې دې۔ وزيراعظم ته ووئيلې شؤ چې د ده د هدايت ترمخه”اپنا بچه” ايپليكېشن تيار كړې شوې دې دغسې چې د بې دركه شويو كوچنيانو فوري راپور ټول آئي جيز او اعلی چارواكو ته ولېږلې شي۔ وزيراعظم غونډې ته په خطاب كښې ووئيل د ټولنې د سباؤن په ضد جرمونه او په خاص توګه د كوچنيانو جنسي استحصال ټولې ټولنې له د شرم او افسوس وړ دې۔ ده ووئيل د نوې ټېكنالوجۍ په دور كښې د كوچنيانو په ضد جنسي جرمونه زيات شوي دي٬د ټولنې عوامل او بېلې مجبورۍ زياتره مور پلار د داسې جرمونو په اړه پوليس ته اطلاع وركولو يا مقدمې درج كولو څخه منع كوي چې په نتيجه كښې يې پھ داسې جرمونو كښې ككړ كسان قانون څخه بچ كېږي او د ځپليو ماشومانو ژوند تباه كېږي۔ده ووئيل كوچنيانو ته محفوظ ماحول وركول د حكومت سره سره د ټولنې د هر يو وګړي ذمه واري ده او حكومت به په دې لړ كښې ټول ممكنه ګامونه پورته كوي۔ په غونډه كښې پرېكړه وشوه چې داخله وزارت كښې به د جرمونو په اړه او په خاص توګه كوچنيانو سره په اړوندو جرمونو كښې د ككړو كسانو په قامي كچه نېشنل كرائم ډېټا بېس جوړولې شي دا ډېټا بېس به وفاق او د صوبائي حكومتونو ټولو قانون نافذ كونكو ادارو سره وي۔ وزيراعظم هدايت وكړو چې د اېف آئي اے سائبر كرائم ونګ دې لا مستحكم كړې شي۔ وزيراعظم دا هم هدايت وكړو چې د نېشنل اېكشن پلان ترسيوري لاندې دې قانون لا فعاله كولو له سفارشات وړاندې كړې شي دغسې چې كوچنيانو ته د محفوظ چاپېرچل وركول باوري كړې شي او د كوچنيانو په ضد جرمونو كښې ككړ كسانو ته سخته سزا وركړې شي۔ ده ووئيل دې سره سره دې د داسې جرمونو څخه د ځپلې شويو كوچنيانو بحالۍ هر اړخ ته خاص پام لرنه وكړې شي۔ وزيراعظم په دې خبره زور راوړو چې د كوچنيانو تحفظ او د دوئي د جنسي جرمونو څخه محفوظ ساتلو له دې سول سوسائټي او په خاص توګه مېډيا بشپړه كردار ترسره كړي دغسې چې كوچنيان خپلو حقونو څخه خبر كړې شي او د دوي د مور پلار او د ټولنې په كچه په دې لړ كښې شعور بېدار كړې شي

مضمون کا ماخذ : لکی لیپریچون

متعلقہ مضامین