وزیراعظم دے مشیر برائے خزانہ ڈاکٹر عبدالحفیظ شیخ دی صدارت اچ کابینہ دی اقتصادی کمیٹی دا اجلاس
APP45-17
ISLAMABAD: July 17 - Adviser to Prime Minister on Finance and Revenue, Dr. Abdul Hafeez Shaikh chairing a meeting of the Economic Coordination Committee (ECC) of the Cabinet. APP
اسلام آباد ۔ 17 جولائی (اے پی پی) کابینہ دی اقتصادی رابطہ کمیٹی (ای سی سی) ای سی سی دا کنڑک اتے اٹے دے نرخ اچ اجوکے ودھارے تے تشویش کریندیں ہوئیں کنڑک اتے اٹے دی برآمد تے پابندی لا ڈتی گی اے،روٹی اتے کنڑک دی مصنوعات دے نرخاں ٓچ ودھارے تے کنٹرول سانگے نیشنل پرائس مانیٹرنگ کمیٹی دا اجلاس سڈنڑ دی ہدایت کیتی اے۔درآمد تھئی یوریا دے 50کلو دے تھیلے دا نرخ 1800روپے مقرر کرنڑ دی منظوری ڈے ڈتی گئی جیڑھی جو سونا یوریا توں 166روپے گھٹ اے۔بدھ کوں وزیراعظم دے مشیر برائے خزانہ ڈاکٹر عبدالحفیظ شیخ دی صدارت اچ کابینہ دی اقتصادی کمیٹی دا اجلاس تھیا جئیں اچ وزیر قومی خوراک تے تحقیق صاحبزادہ محمد محبوب سلطان، وزیر منصوبہ، ترقی و اصلاحات مخدوم خسرو بختیار، وزیر نجکاری محمد میاں سومرو، وزیر ریلوے شیخ رشید احمد، وزیراعظم دے مشیر برائے تجارت عبدالرزاق داﺅد، مشیر برائے ادارہ جاتی اصلاحات ڈاکٹر عشرت حسین، وزیراعظم دے خصوصی مشیر برائے پٹرولیم ندیم بابر، گورنر سٹیٹ بینک رضا باقر اتے چیئرمین سرمایہ کاری بورڈ زبیر گیلانی شرکت کیتی۔وزارت قومی فوڈ سکیورٹی تے ریسرچ ولوں ملک اچ کنڑک دی صورتحال اجلاس اچ رپورٹ پیش کیتی گئی ۔اجلاس کوں ڈسایا گیا جو ملک اچ آبادی دی لوڑھ پوری کرنڑ سانگے کنڑک دی وافر مقدار موجو داے۔اجلاس کوں ڈسایا گیا جو ایں سال کنڑک دی جیڑھی مقدار ہئی او گزریل سال دی نسبت 33فیصد گھٹ اے۔
