سینیٹ اچ سانحہ سیالکوٹ دے خلاف متفقہ قرارداد منظور

اسلام آباد۔24دسمبر(اے پی پی)سینیٹ سانحہ سیالکوٹ دے خلاف متفقہ طور تے قرارداد منظور کریندے سری لنکن شہری دے قتل اچ ملوث ملزمان دے خلاف سخت کارروائی دا مطالبہ کیتے۔ چئیرمین سینیٹ صادق سنجرانی اجلاس دی صدارت کریندے معمول دی کارروائی معطل کر تے سانحہ سیالکوٹ تے بحث کرائی۔ قائد ایوان ڈاکٹر شہزاد وسیم سری لنکن شہری پرینتھا کمارا دے قتل بارے قرارداد پیش کیتی جیڑھی ایوان متفقہ طور تے منظور کر ڳھدی۔ قرارداد اچ آکھیا ڳئے جو ایوان اینڄھے انتہا پسندی واقعات دی مذمت کریندے اتے ایندا ساݙے مذہب نال کوئی تعلق کاعنی، حکومت واقعہ اچ ملوث افراد دے خلاف کارروائی کرے۔ اعظم نذیر تارڑ، رضا ربانی، سینیٹر مشتاق احمد، مولانا عطاء الرحمان، طاہر بزنجو اتے ٻنھاں بحث اچ حصہ ڳھدا۔ اپوزیشن ارکان مطالبہ کیتے جو واقعے کوں ٹیسٹ کیس ٻݨا تے تیکھا ٹرائل کیتا ونڄے۔ قائد ایوان شہزاد وسیم، وزیر ریلوے اعظم سواتی اتے ٻئے حکومتی اراکین شدت پسندی دا مقابلہ کرݨ تے زور ݙیندے آکھیے جو رواداری سانڳے ذہن سازی کرݨ ہر کہیں دی ذمہ واری اے۔ بعد اچ سینیٹ اجلاس سنوار دی شام 3 وڄے تئیں ملتوی کر ݙتا ڳیا۔

مضمون کا ماخذ : ہرکیولس اور پیگاسس

متعلقہ مضامین