توانائی بچت دی پالیسی نال پیسے، وسائل اتے ماحولیات دے تحفظ اچ مدد ملسی، وفاقی وزیر ماحولیاتی تبدیلی شیری رحمن

اسلام آباد۔3جنوری(اے پی پی)وفاقی وزیر ماحولیاتی تبدیلی شیری رحمن آکھیے جو توانائی دا پائیدار استعمال معیشت دے نال نال ماحولیات دے تحفظ کیتے وݙا اہم اے، ایں سانڳے حکومت دے اقدامات نال دیرپا نتائج ملسن، بزار تیکھے بند کرݨ، توانائی دے متبادل ذرائع استعمال کرݨ اتے ورک فرام ہوم پالیسی نال بہتری آسی۔ اے ڳالھ انہاں اسلام آباد اچ وفاقی وزیراں، وفاقی وزیر دفاع خواجہ محمد آصف، وفاقی وزیر بجلی انجینئر خرم دستگیر خان، وفاقی وزیر اطلاعات و نشریات مریم اورنگزیب اتے وفاقی وزیر ہائوسنگ اینڈ ورکس مولانا عبدالواسع دے کٹھے میڈیا بریفنگ اچ آکھی۔ شیری رحمان آکھیا جو توانائی دی بچت اپنا تے اساں پیسے، وسائل دی بچت کر سڳدے ہیں، ماحولیات دے تحفظ اچ وی مدد ملسی ڄیڑھا اڄ دا وݙا مسلہ اے۔ انہاں آکھیا جو توانائی دے استعمال اچ بچت نال درآمدی بل ڳھٹسی، معیشت تکڑی تھیسی۔ انہاں آکھیا جو ملک اچ قدرتی آفات ماحولیاتی تبدیلیاں پاروں آندن جیندے تے قابو پاوݨ کیتے ودھ شجرکاری دے علاوہ توانائی دے استعمال اچ بچت اتے متبادل ذرائع تے توجہ دی لوڑھ اے جیندے کیتے آگاہی مہم ٹورݨی ہوسی جو لوک اپݨا جیوݨ وٹاون۔

مضمون کا ماخذ : ولف گولڈ

متعلقہ مضامین