وفاقی وزیر توانائی (پاور ڈویژن) خرم دستگیر خان دا جھمپیر ونڈ کوریڈوردا دورہ

اسلام آباد۔15جون (اے پی پی):وف??قی وزیر توانائی (پاور ڈویژن) خرم دستگیر خان خمیس کوں جھمپیر ونڈ کوریڈور دا دورہ کیتے تے طوفان بپرجوئے دی وجہ توں مینھ اتے ا??تہائی موسمی حالات توں متاثر تھیوݨ آلے ٹرانسمیشن ٹاورز دا معائنہ کیتے۔ پاور ڈویژن توں جاری اعلامیہ موجب متاثرہ ٹرانسمیشن ٹاورز دی وجہ توں 60 میگاواٹ بجلی متاثرتھئی ۔ وف??قی وزیر معائنہ کیتے علاقے دا دورہ کیتے تے بجلی دی بلاتعطل فراہمی یقینی بݨاوݨ کیتے ٹیماں کوں ہدایت کیتی۔ جھمپیر II گرڈ سٹیشن معمول دے شیڈول دے مطابق کم کریندا پئے تے نیشنل گرڈ کوں 134 میگاواٹ بجلی ݙتی ویندی پئی اے ۔وف??قی وزیر توانائی صورتحال دا نوٹس گھندے ہوئیں وختی مرمت دا حکم ݙتا۔ مرمت کرݨ آلی ٹیماں تعینات کرݙتیاں ڳئن تے ٹاور ترائے ݙینھ دے ا??در ول کم شروع کرݙیسن ، انہاں طوفان پاروں وختی امدادی اقدامات اتے احتیاطی حکمت عملی دا یقین ݙیوایا ۔ خرم دستگیر خان آکھیے پاور ڈویژن ریلیف اتے بجلی دی فراہمی کیتے ایوں کم کریسی جیویں اوں 2022 دے سیلاب دی ہنگامی صورتحال اچ کم کیتا ہئی ۔ انہاں آکھیے ہوا دی رفتار ھک مقررہ حد توں ودھ تھیوݨ دی صورت اچ جھمپیر ونڈ کوریڈور دا طریقہ کار خود بخود بند تھی ویندے ، ہنگامی صورتحال اچ جھمپیر کوں نقصان توں بچایا ویسی۔