اسلام آباد۔7جولائی(اے پی پی) وف??قی وزیر مذہبی امورسینیٹر محمد طلحہٰ محمود سویڈن اچ قرآن پاک دی بے حرمتی دی شدید الفاظ اچ مذمت کریندے ہوئیں آکھیے جو پوری پاکستان قوم اسلام اتے قرآن حکیم نال محبت تے جاں نثار اے،کوئی وی مسلمان قرآن پاک دی گستاخی کہیں صورت بردا??ت نی کرسڳدا ،اللہ دی آخری کتاب قرآن حکیم قیامت تئیں آوݨ آلے انساناں کیتے رشد وہدایت دا ذریعہ اے، سفارتی سطح تے ایجھے واقعات روکݨ کیتے اساکوں موثر اقدامات کرݨے ہوسن ، آپݨے مذمتی بیان اچ وف??قی وزیر مذہبی امور آکھیے سویڈن اچ قرآن پاک دی بے حرمتی قابل مذمت اے،ایں واقعہ توں ارباں مسلماناں دے جذبات مجروح تھئن ۔ انہاں آکھیے قرآن پاک ساݙی مقدس کتاب اتے ھک مکمل دستور حیات اے، قرآن پ??ک ݙوجھے مذاہب کیتے وی مشعل راہ اے، قرآن مجید دی گستاخی کہیں صورت قبول کائنی ۔انہاں آکھیے اساں سارے مذاہب دا احترام کریندن ، آزادی اظہاررائے تے یقین رکھیندوں مگر ایویں کہیں مذہب دی مقدسات دی توہین قطعا ًبردا??ت نی کرسڳدے ۔ وف??قی وزیر آکھیے وزیراعظم شہباز شریف دی کال تے اڄ پورے ملک اچ پرامن احتجاج تھیندا پئے ، پاکستانی قوم اسلام اتے قرآن نال محبت اتے ایں تے جاں نثار اے۔ انہاں آکھیے جے یو آئی کارکنان توں اپیل کیتی اے جو او پرامن احتجاج اچ بھرپور حصہ گھنن ، پرامن احتجاج توں ایں مسئلے کوں عالمی سطح تے اجاگر کیتا ویسی ، انہاں اپیل کیتی جو احتجاج دے دوران لوکاں دے جان ومال اتے قومی املاک کوں ضیان نہ پڄاون ، اساکوں سفارتی سطح تے وی ایجھے اقدامات روکݨ کیتے موثر اقدامات کرݨے ہوسن ، انہاں مطالبہ کیتے جو او آئی سی تے ٻئے فورمز کوں ایں معاملے تے فعال کردار ادا کرݨا ہوسی ۔
